| 唔係呀嘛？！又要 7 點起身？！
點解我成日都唔肯早 D 訓？
已經好多日缺乏睡眠喇救命
仲慘過返學
但又完全係自己攞嚟衰
|
| |
| LOL 成晚無訓玩 twitter、微博，算唔算虛度光陰？
宜家得返兩個鐘頭唔夠訓... -___-"
我已經完全地日夜顛倒，變到好似某人當時考 final 前夕咁 (yes i'm talking about you lol)
BTW 呢度唔知幾時開始已經變成垃圾堆填區...
當我一諗到 D 毫無建設性既廢話就 dum o係度...
噢，不過順便問句，呢度有無人有 twitter/微博呀？ |
| |
| 6/8 加州 Primary Elections，大家記得投票！(Vote no on Prop 14, 16 and 17!!) |
| |
| 或者呢，我真係應該寫返幾篇女人幫...
頂，但其實真係唔好以為容易寫。如果唔係真心想寫的話，真係好鬼死難寫架。
同埋我到今時今日仲係好唔明，點解 D 人咁好愛情文章。
愛情，要去體驗。就好似快樂咁，要體驗。
我可以用盡所有詞語描述愛情，說盡愛情裡面的規條道理，但又有咩意義？你覺得真係會學到野咩？
講，人人都識講啦 D 咩三毛錢道理。但做起上黎，真係完全另一回事，基本上冇咩人真係會睇完一篇文章之後就改變到自己的感覺或者行為。
當然，一兩篇冇壞，可能仲有益添，但宜家呢個數字........
大家不如花 D 時間睇下 D 時事、歷史、科普、文學... blah blah blah 咩都好，都應該仲有意義過果 D 文喎。
不過，又當然啦，有時候睇文章唔係講有冇得著，只係講有冇娛樂性，就好似點解 D 人會每日花成 2-3 hours 睇埋曬 D 綜藝節目+劇集咁。（我自己都睇唔少...）
哈哈，不過講起上黎，問世間情為何物... 真係個個都有唔同答案。
唔好睇我好似好叻俾人地愛情意見咁呀，其實我到今時今日我都依然一頭霧水架...
我諗拍過長拖的人，應該比起我了解愛情多好多！
（咁你仲學咩人走去俾人愛情意見呀？吓？想害人呀？！）
Errr.... |
| |
| 講過好多次，但都依然要講，亞洲星光大道，真係好正。
其實第二季剛剛開始時候，都覺得唔好睇，可能因為實在太過習慣睇一班，未 warm up 到 to 二班。而且，的確，二班雖然歌唱技巧上比起一班優勝，但論特色，真係拍馬都趕唔上一班（Jack Dai呀、豹哥呀、亢帥克呀... 個個都各有特色，令到人次次都好期待睇佢地演出），所以都無咩期待。不過一路睇落去，你真係會發覺，ATV 係好用心好有耐性咁栽培佢地每一個參賽者，然後因材施教，漸漸帶出佢地潛藏的特色，引導佢地搵到適合自己既風格。唔會話，見到你無特色，見到你迷惘，然後就 foul 呀，或者鬧呀點呀咁即用即棄。或者咁講啦，從 ATV，我地可以感覺到尊重。係對每一位參賽者，作為個體的尊重。呢樣野真係，唔好話電視機上面啦，宜家連平時同人相處都好少見。
就好似，我每次見到 Lo 記講埋曬 D 爛 gag，就好想 cringe。但我會見到鏡頭影住寶儀呀，肥媽呀果 D，雖然個 gag 好爛，好明顯搞唔到氣氛出黎呀，無觀眾笑呀咁，但佢地依然都好 supportive of Lo 記，會好開心咁去笑佢個 gag，或者幫佢收尾。個情形就好似朱自清《背影》裡面（其實我唔太記得 D 細節，以下係憑記憶亂吹），個仔望住個老豆，幾十歲人依然連買舊橙都買唔到，笨手笨腳鬼咁死狼狽，一個正常人見到自己老豆咁鬼死老土，梗係想即刻 disassociate 扮唔識啦。心裡面可能仲諗：好心你啦，明知自己肥呀，就量力而為啦唔好搞咁多野啦，都叫左話唔使又係都要去買，真係好鬼死丟架又老土到好想嘔。但係，最奇怪既係，朱自清冇喎，佢冇咁諗，反而仲覺得好感動，甚至即刻走過去扶佢，俾成個車站 D 人見到佢有個咁既老豆！呢 D 叫咩？呢 D 咪叫做「愛」囉。就係當一個人出醜，或者甚至你心裡面都覺得呢個人做緊既嘢好樣衰，你都依然可以毫不猶豫為佢挺身而出，企喺佢同一邊，同佢一齊任人恥笑，都毫無怨言，甚至覺得好開心。其實呢個情景亦都係令我諗起當年 CASA 的 talent show... 果種團隊精神，真係，我歷歷在目到宜家！
所以真係架，雖然我真心覺得亞洲星光大道好多地方都太過死老土，每一集開初睇都會有 D 抗拒感，但真係唔知點解，睇下睇下，不知不覺間，你會俾佢感染左，開始唔介意佢 d 老套野，甚至開始覺得係一種感動，一種溫暖！呢個就係亞洲星光既魔力！
不過，唯一真係要彈亞洲星光，就係到左今時今日，參賽者依然係清一色全部唱國語。哎呀，仲要唱來唱去都係果幾首。其實要唱快歌 (ep. 19)，廣東歌都大把選擇，而且絕對不會比國語歌遜色。點解係都要唱果幾首呢？咩《改變自己》、咩《Bad Boy》、咩小豬等等等等，其實真係... 唔係好好聽囉唔好意思。而且，好冇新意... 又係果個 point——我要聽人唱國語歌，我唔好去睇超偶、台灣星光？！ |
| |
True